Policia e Elbasanit ka arrestuar në flagrancë një 21-vjeçar që lëvizte në një rrugë të fshatit Gjinar, me armën dhe municionin, në çantë.
Si pasojë e këtij operacioni të koduar “Second”, janë sekuestruar 1 armë zjarri kallashnikov, 2 krehra dhe 30 fishekë luftarak.
“Gjatë operacionit u kap në flagrancë dhe u vu në pranga poseduesi i armës dhe i municionit, shtetasi K. B., 21 vjeç, banues në fshatin Shelcan. Nga kontrolli në çantën e tij, u gjetën 1 armë zjarri kallashnikov, 2 krehra dhe 30 fishekë luftarak, që posedoheshin pa leje”, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
