Robert Lewandowski ka arritur shifrën e 50 golave me fanellën e Barcelonës kur ende nuk është mbyllur sezoni i tij i dytë dhe nuk e fshehu kënaqësinë për këtë arritje.
“Kur mendoj për golat dhe në kohën që kam kaluar këtu ndihem, shumë krenar për këtë klub. Secili prej këtyre golave ka një domethënie të veçantë për mua dhe është privilegj të shënosh gola për Barçën. Kurrë nuk kam menduar se sa gola do të shënoj, por janë 50 gola për Barçën në një vit. Mendoj se mund të shënoj më shumë, por kur kthej kokën pas, mund të ndihem krenar”.
Krahasimi me legjendat e katalanasve – “Kur shoh emra të tjerë që arritën këto shifra si Thierry Henry apo David Villa, të cilët ishin të jashtëzakonshëm dhe ndër më të mirët në histori… Të jesh në të njëjtin nivel ose të shënosh më shumë gola se ata është e pabesueshme. Ky ishte vendi ku doja të isha, idhujt që kisha kur isha i ri. Ishte diçka që e ëndërroja si fëmijë dhe tani është një realitet”.
Aventura te Barcelona – “Të jesh lojtar i Barçës, ndonjëherë është e vështirë të gjesh fjalën e saktë, por është krenari, lumturi. Njerëzit flasin për këtë klub se është klubi më i madh në botë dhe të qenët pjesë e tij më bën më të mirë, më jep më shumë energji për të punuar shumë dhe për të bërë diçka të veçantë”.
