Disa arsye pse rutina 8-orëshe e punës nuk po funksionon

11/12/2019 - 12:11

Dita prej tetë orësh e punës u krijua gjatë Revolucionit Industrial si një përpjekje për të ulur numrin e orëve të punës manuale që punëtorët ishin të detyruar të duronin në fabrika. Kjo ishte një qasje më njerëzore ndaj punës në 200 vitet më parë kësaj, por megjithatë ka pak rëndësi për ne sot.

Ashtu si paraardhësit tanë, nga ne pritet të punojmë me ditë tetë orëshe, me periudha të gjata pune dhe me pak ose aspak pushime. Disa persona madje punojnë edhe përtej orarit të tyre të drekës.

Por, kjo qasje antike ndaj punës nuk na ndihmon, por na kufizon.

Mënyra më e mirë për të strukturuar ditën

Një studim i kryer së fundmi duke përdorur një aplikacion kompjuterik për të gjurmuar zakonet e punëtorëve, tregoi se gjatësia e ditës së punës nuk kishte shumë rëndësi, ajo se çfarë kishte rëndësi ishte mënyra se si njerëzit e strukturonin ditën e tyre. Në veçanti, njerëzit që ishin të dhënë pas marrjes së pushimeve të shkurtra ishin më produktivë sesa ata që punonin me orë të gjata, përcjell Telegrafi.

Ndërprerja ideale punë-pushim ishte 52 minuta punë, pasuar nga 17 minuta pushim. Njerëzit që i përmbaheshin kësaj rutine kishin një nivel unik të fokusit në punë. Për rreth një orë ata ishin të përqendruar në përmbushjen e detyrës. Ata nuk kontrollonin Facebookun, shpesh dhe nuk shpërqendroheshin nga e-mailet.

Kur ndiheshin të lodhur, pas një ore, ata bënin pushime të shkurtra për të ndarë veten nga puna. Kjo i ndihmonte ata të riktheheshin të freskët në detyrën që po përmbushnin për një orë tjetër produktive.

Truri do një orë punë, 15 minuta pushim

Njerëzit që kanë zbuluar këtë normë magjike të produktivitetit janë më të suksesshëm se të tjerët sepse i përshtaten lojës së mendjes: truri zakonisht funksionon me energji të lartë dhe pasohet nga 15-20 minuta aktivitet i ulët.

Për shumicën prej nesh, kjo është një periudhë që mund të na lodhë dhe të na çojë drejt shpërqendrimeve e gabimeve në punë nëse nuk dimë ta përdorim për të bërë periudhë pushimi.

Mënyra më e mirë për të kaluar lodhjen dhe shpërqendrimet është të ndërgjegjësoheni rreth punës suaj. Në vend që të punoni një orë dhe të përpiqeni ta zgjasni këtë periudhë, atëherë kur fillon t’iu zbehet produktiviteti, bëni një pushim.

Pushimet janë të lehta për t’u marrë nëse e dini se do t’iu përmirësojnë produktivitetin. Ne shpesh e lëmë lodhjen të fitojë sepse vazhdojmë të punojë përgjatë saj dhe marrim pushime që nuk janë të vërteta si kontrollimi i e-mailit dhe YouTube, përcjell Telegrafi.

Kontrolloni ditën tuaj

Dita e punës prej tetë orëve mund të funksionojë nëse e ndani atë në intervale strategjike. Sapo të kuptoni se si funksionon energjia juaj natyrale dhe ta lidhni siç duhet me përpjekjet tuaja, atëherë do të shihni se gjërat po ecin më mirë për ju.

Ndajeni ditën në intervale orësh

Ne zakonisht planifikojmë atë që duhet të arrijmë në fund të ditës, javës apo muajit, por jemi më joefektiv kur përqendrohemi në atë që duhet të arrijmë tani.

Për të arritur ritmin ideal të punës, duhet ta ndani ditën në intervale njëorëshe për të thjeshtuar detyrat dhe për t’i ndarë ato në pjesë të menaxhueshme. Nëse doni të jeni sa më konkretë, planifikojeni ditën në intervale 52-minutëshe.

Respektoni orarin tuaj. Strategjia e intervalit funksionon vetëm për shkak se ne përdorim nivelet më të larta të energjisë për të arritur një përqendrim maksimal për një periudhë relativisht të shkurtër. Kur nuk e respektoni orarin tuaj të punës, sepse merreni me dërgimin e mesazheve, kontrollin e e-maileve apo kontrollin e shpejtë të Facebookut, dilni nga qëllimi, përcjell Telegrafi.

Bëni një pushim të vërtetë

Në studimin e mësipërm, u zbulua se punëtorët që merrnin pushime më të shpeshta se optimalja e një ore ishin më produktivë sesa ata që nuk pushonin. Po kështu, ata që bënin pushime të vërteta si shkëputja nga puna dhe lëvizja nga karrigia, ishin më produktivë sesa personat që bënin pushime të shkurtra ulur dhe duke hapur faqe të tjera në internet.

Në një ditë të zënë mund t’iu duket se pushimet si kontrolli i email-it apo ndërprerja për të bërë një telefonatë janë të duhura, megjithatë ato nuk janë dhe juve keni nevojë të pushoni siç duhet.

Mos prisni që t’ua thotë trupi

Nëse prisni që të ndiheni të lodhur për të bërë një pushim, është shumë vonë, ju e keni humbur tashmë produktivitetin. Përmbajuni planit tuaj për t’u siguruar që do të jeni më të përqendruar gjatë kohës që punoni dhe më të lodhur gjatë çastit kur merrni pushim. Kini parasysh se është më produktive nëse pushoni për periudha të shkurtra sesa të punoni derisa të lodheni.

/portali DurresLajm/

Na bëni like në facebook!: 

Lajme nga e njëjta kategori

Vazhdon në distancë sfida mbretërore mes William me Kate dhe Harry me Meghan.

Miranda Kerr është një nga modelet më të famshme që të gjithë admirojnë lëkurën e saj të pastër dhe me shkëlqim.

Shumica e prindërve e vendosin gabim fëmijën e tyre në sedijen e sigurisë në makinë, duke i ekspozuar ndaj me një rreziku të lartë, pasi 

Një studim ka zbuluar se çfarë duan dhe pëlqejnë vërtet burrat te një grua.

Kujdeset për pamjen e saj fizike

Ai është i madh sa një traktor, 27 vjeç dhe peshon 453 kilogram. Është dy metra i gjatë dhe çdo mëngjes ha 38 kokra vezë.

Të qenit single ka avantazhet e veta. Nuk është vetëm një mendim, por një pohim shkencor.

Deri tani kemi qenë në sezonin e Bricjapit dhe ka qenë një periudhë e gjatë.

Një nuse australiane u hakmorr në mënyrën më të mirë ndaj të dashurit të saj Alex pasi mori vesh se ai ishte në një lidhje paralele me nj

Princi Harry u përpoq të shpjegonte publikisht se vendimi për t’u shkëputur nga familja mbretërore nuk ishte i lehtë për të.

Ditën e djeshme u luajt ndeshja mes Liverpulit dhe Junajtid, e cila u fitua nga të besuarit e Klop me rezultatin 2-0.