Kreu i Partisë Demokratike, Sali Berisha, ka zbuluar më shumë detaje në lidhje me programin e tij për zgjedhjet e 11 majit gjatë një konference për mediat.
Berisha theksoi se ligji për investimet strategjike do të pësojë një ndryshim të thellë, duke u anuluar çdo titull i dhënë deri tani.
Ai shtoi se çdo investitor shqiptar që jeton jashtë vendit që do të vijë në Shqipëri, do të gëzojë 5 vite pa taksa, kudo që të investojë.
“Ligji për investimet strategjike pëson ndryshim rrënjësor. Çdo titull i dhënë anulohet. Çdo shqiptar që vjen për të investuar në Shqipëri do të jetë 5 vite pa taksa kudo që investon, dhe 8 vite pa taksa nëse investon në zonat malore.
Do të krijojmë bordin që vlerëson lëkundjet e krijuara nga narkoeuro, për të analizuar situatën me importet dhe eksportet”, u shpreh ai.
