Kryesia e LSI-së është mbledhur sonte, pak orë pas zgjedhjes së kryetarit të kësaj forcë Ilir Meta, President i Republikës.
Burime bëjnë me dije për “BalkanWeb” se kryesia ka diskutuar listat e kandidatëve për deputetë, ndërkohë që mesnata e nesërme është afati përfundimtar për dorëzimin e tyre në KQZ.
Sipas raportimeve është rikonfirmuar gati 90% e grupit aktual të LSI-së, si kandidatë për deputetë. Ka mbetur pa mbyllur lista e kandidatëve të Tiranës dhe Kukësit.
Burimet thonë se në këto lista është përfshirë edhe emri surprizë i Ylli Manjanit. Ish-ministri i drejtësisë duket se do të jetë në Tiranë.
Po keshtu, Nasip Naço do te kryesoje listen ne Berat. Po keshtu, Haxhinasto mesohet se do te jete ne Elbasan.
Lista e kandidatëve të LSI
Qarku Tiranë
1. Klajda Gjosha
2. Luan Rama
3. Ylli Manjani
Qarku Elbasan
1. Monika Kryemadhi
2. Edmond Haxhinasto
Qarku Berat
Nasip Naço
Qarku Korçë
Edmond Panariti
Qarku Dibër
Përparim Spahiu
Qarku Vlorë
1.Shezai Rrokaj
2.Sokol Dervishaj
Gjirokastër
Vangjel Tavo
Shkodër
Agron Çela
Durrës
Lefter Koka
Fier
Petrit Vasili
Qarku Kukës
(Në diskutim)
Meta: Lista nuk është mbyllur, do futet kush ka dëshirë
"Në lista do futen të gjithë ata që kanë dëshirë. Listat nuk janë mbyllur ende".
Kështu u shpreh kryetari i LSI, Ilir Meta pas mbledhjes së kryesisë ku u miratua lista paraprake për kandidatët në zgjedhjet e 18 qershori.
Meta tha se diskutimet do të vijojnë dhe në lista do të futet kushdo ka dëshirë.
