Besojeni ose jo, afro 20 mijë do jetë numri i tifozëve të Kombëtares të pranishëm në “Wembley” mbrëmjen e së premtes, kur kuqezinjtë e Sylvinhos përballen me Anglinë në Londër.
Mediet në ishull raportojnë se shqiptarët ia kanë dalë të blejnë një numër të madh biletash, duke qenë se shumë prej tyre janë rezident në Angli dhe aksesi online ishte për këdo.
Paçka se numri i tifozëve shqiptarë të lejuar ka qenë diku te 5600, fakt është se tribunat do jenë kuqezi. 90 mijë ulëse është kapaciteti i stadiumit, teksa ‘Shqiponjat’ do kenë 20 mijë zemra në shkallët e tij.
