Lori Hoxha ka postuar në logarinë e saj në YouTube klipin e dasmës së motrës së saj, Sarës dhe Ledionit.

Ashtu siç pritej, videoja disa minutëshe i ngjan një traileri të një filmi që në qendër ka një histori dashurie që kurorëzohet në martesë.

Videoja tregon me radhë momentet më prekëse të ceremonisë, që nga fustani i varur në mur që pret të vishet nga Sara, tek ecja në altar, fjalët prekëse të Lorit për çiftin, Vjollca Hoxha teksa qan me nipin në prehër, e deri te betimet që çifti i bënë njëri-tjetrit.

Videos i jep akoma më shumë jetë edhe prania e London-it të vogël që ishte i pranishëm në dasmën e prindërve të tij.

Dasma madhështore u mbajt në liqenin e Komos në Itali në gusht të këtij viti.