Kapiteni legjendar i Kombëtares, Lorik Cana, ka dalë kundër iniciativës për organizimin e përbashkët mes Shqipërisë dhe Serbisë të Kampionatit Europian të 21-vjeçarëve në vitin 2027. Cana ka folur rreth çështjes që ka krijuar debat të fortë në opinionin publik, teksa ndër të tjera u shpreh se nuk është momenti i duhur për këtë organizim, pasi së pari duhet të kalohen disa procese të normalizimit të marrëdhënieve mes dy  popujve. “Më duket e nxituar. Pa u kaluar disa procese të normalizimit të marrëdhënieve është shumë e vështirë që të ketë organizime të përbashkëta pavarësisht qëllimeve të mira që ka Federata. Për momenti nuk më duket hapi i duhur”, deklaroi Lorik Cana.