LSI përforcon qëndrimin e saj se ndryshimet kushtetuese për heqjen e imuniteve duhet të marrin zgjidhje në sallën e parlamentit dhe jo nëpërmjet një referendumi siç ka propozuar Kryeministri Berisha.
Pas deklarimit të Ilir Metës përpara disa ditëve se "imunitet duhet të zgjidhen me konsensus parlamentar", Sekretari i Përgjithshëm i LSI-së, Luan Rama u shpreh se koha nuk pret, që Shqipëria të marrë një notë pozitive në provimin europian të tetorit.
“Referendumi në rastin konkret në gjykimin tim nuk na lejon mundësinë që ta përmbushim këtë detyrë përpara tetorit kur do të bëhet vlerësimi i ecurisë së Shqipërisë përballë përmbushjes së detyrime të BE-së. Nëse do të ishte e mundur që referendumi të behej përpara tetorit nuk ka asgjë të keqe por LSI gjykon dhe është e bindjes se heqja e imuniteteve duhet votuar dhe ekszistojnë ende mundësitë që kuvendi ta përmbushë këtë detyrë”, tha Rama.
Gjatë konferencës për shtyp Luan Rama tha se nuk asnjë pakt mes LSI dhe PD për zgjedhjen e Kryeprokurorit të ardhshëm.
