Pas deklaratave të djeshme zëvendëskryetari i LSI-së, Luan Rama i është përgjigjur sot kryeministrit Edi Rama.
Rama thotë që kryeministri duhet të merret me punët dhe hallet e shqiptarëve dhe jo me Lëvizjen Socialiste për Integrim.
“Duke u marrë me Lëvizjen Socialiste për Integrim, simpatizantët, Edi Rama nuk e fsheh dështimin e tij në qeverisje, e realitetin e dhimbshëm, korrupsionin që e ka pllakosur dhe e mban për fyti Shqipërinë. E vërteta e dhimbshme tej fasadës e propagandës së tij nuk fshihet me kronika të transmetuara më parë dhe maskave me lule që i ndërron çdo ditë. Pra duket qartë të dashur qytetar. Që Edi Ramës nuk ia ka fajin LSI-ja, por babëzia. Edi Ramës nuk ia ka fajin LSI-ja, por ligësia. E shprehur me gjuhën e urrejtjes. Kjo është filozofia politike, ky është karakteri i Ramës, që tha me 25 prill shqiptarët do të zgjedhin karakterin. Edi Rama nuk ka probleme me LSI-në, por me demokracinë. Edi Rama nuk ka probleme me LSI-në, por me Shqipërinë. Ndaj Shqipëria po pret 25 prillin për të larë hesapet me Ramën”-tha nënkryetari i LSI-së.
