Pas zyrtarizimit të Skënderbeut si kampion i Kategorisë Superiore, tani të gjithë sytë janë në fundin e renditjes, ku Vllaznia, Teuta dhe Kamza janë duke luftuar fuqishëm për të siguruar mbijetesën.

Pas barazimit të sotëm në shtëpi ndaj Kamzës, shkodranët e Enest Gjokës, janë më të rrezikuarit për të rënë nga kategoria. Vllaznia ndodhet në vendin e parafundit në kuotën e 38 pikëve, ndërsa Kamza dhe Teuta kanë 40 pikë secila. 

Kur duhen edhe 3 javë nga fundi, këto janë takimet e mbetura për të 3 skuadrat që janë në luftë për mbijetesë.

Përballjet e Vllaznisë:

  • Partizani-Vllaznia
  • Vllaznia-Kukësi
  • Skënderbeu-Vllaznia

Përballjet e Teutës:

  • Skënderbeu-Teuta
  • Teuta-Lushnja
  • Laçi-Teuta

Përballjet e Kamzës:

  • Kamza-Flamurtari
  • Kamza-Laçi
  • Partizani-Kamza.