Marrëdhënia mes Oltës dhe Luizit pëson gati çdo ditë luhatje, ku këto luhatje kanë pasuar zënka, lojra, debate të shumta, dhe shpesh herë audienca është ndjerë e konfuzuar në lidhje me këtë mardhënie të dy lojtarëve të  ‘Big Brother VIP’. Herë janë rivalë në lojë e herë sillen si dy miq. Mirëpo, duket se Luizi është prekur së fundmi nga gjendja e Oltës, e duke e parë të mërzitur, pas spektaklit të mbrëmjes së djeshme i është afruar.

Ajo i ka shprehur se ka diçka për t’i thënë dhe ai i ka kërkuar të shkojnë të flasin në lavanderi. Të dy kanë folur gjatë në lidhje me debatin që patën gjatë spektaklit, ku këngëtari e akuzoi aktoren se përkujdesjen ndaj tij ajo e bëri për lojë. Në fund të bisedës, Luizi i kërkon për herë të parë falje.

Olta: Jam lënduar shumë nga fjalët që ke thënë ti mbrëmë edhe në prime edhe në dhomën e rrëfimit.

Luizi: Dëgjo unë nuk është se nuk e besoj se ti nuk je kujdesur sinqerisht për mua, por mënyra sesi e ktheve lojën duke u munduar të sulmosh Kiarën, kjo nuk më pëlqeu. Kur unë jam në atë gjendje nuk kam nevojë për asnjeri.

Olta: Po unë jam lënduar vërtet shumë. Nëse kjo do kishte ndodhur në fillim, nuk do isha mërzitur fare, por tani jam e ngarkuar dhe jam më vulnerabël.

Luiz: Nëse t’i je lënduar për ato që unë thashë, për herë të parë në këtë lojë po të kërkoj falje nëse të kam lënduar dje, por kuptoje që du me lujt. Du t’i shkoj ksaj loje deri në fund dhe po luftoj me mish e me shpirt. Me Oltën jashtë unë nuk kam asgjë. E di se çfarë do të thotë të jesh larg familjes, larg djalit. Mos mendo se unë kënaqem se qan ti. Unë do të them prapë shko qaj në tualet, por nuk kam ndonjë kënaqësi. Jo për ty, por për asnjë. Edhe sikur Qetsori të qajë unë nuk ndihem mirë. Prandaj doja të mbyllej sa më shpejt ajo temë dje, se nuk ndihesha mirë me situatën që u krijua. Nuk është se jam krenar për gjërat që kam bërë, por du me lujt. Kam gabuar dhe do gaboj prapë, por dua të shkoj deri në finale.

Olta: Edhe unë dua të shkoj në finale me ty, me më të fortët, por mos më lëndo kështu. Unë kam nevojë për ty për të luajtur. 

Luizi: Në rregull pra nëse je lënduar të kërkoj falje. Se më bërë të ta them 10 herë tani.

Olta: Dëgjo Luizi, ne jemi kundërshtarë, do luajmë fort, do zihemi prapë, por unë ty të kam shumë xhan. Hajde të të përqafoj njëcikë tani.