Deklarata e bërë nga Luiz Ejlli pak ditë më parë në “Big Brother”, ku la të nënkuptohej se vuan nga një sëmundje e rëndë, e më pas tha se ishte historia e një shoku ajo për të cilën po fliste, le të themi që pa dyshim është bërë kryefjala e diskutimeve brenda dhe jashtë shtëpisë.
Ajo që po ndodh, veç diskutimeve të zjarrta nga vetë banorët e “BBV2” ku një pjesë e mbështesin dhe një pjesë i kanë dalë kundër, e njëjta panoramë paraqitet edhe në rrjetet sociale nga personazhet e famshme.
Historia e Luizit, i ka ndarë fansat dhe personazhet në dy “kampe”.
Por kush janë ata që besojnë se këngëtari ka gënjyer për këtë situatë, dhe cilët janë ata që e besojnë ose e mbështesin pavarësisht sesi kanë shkuar gjerat?
Fatma Haxhialiau, Graciani Tagani, Niko Komani, Aulona Musta, Ariola Shehu, Armina Mevlani, Olti Curri, Fjoralba Ponari, janë disa nga personazhet që mendojnë se ka gënjyer.
Sakaq, Genta Gjalpi, Elhaid Cufi, Meridian Ramçaj, Zaimina Vasjari, Estela Ujka, Vesel Kurtishaj, Xhensila Myrtezaj, Ilda Bejleri, Fation Kuqari, Melisa Lleshi, janë disa nga ata të cilët e mbështesin këngëtarin.
