Emmanuel Macron do t’i afrohet Kinës me një plan që ai beson se mund të çojë në bisedime midis Rusisë dhe Ukrainës, raporton Bloomberg.
Presidenti francez ka ngarkuar këshilltarin e tij për politikën e jashtme, Emmanuel Bonne, të punojë me kryediplomatin kinez, Wang Yi, për të krijuar një kornizë që mund të përdoret si bazë për bisedimet e ardhshme, sipas burimeve.
Strategjia e Francës kërkon që bisedimet mes Rusisë dhe Ukrainës të zhvillohen këtë verë nëse gjithçka shkon mirë.
Gjatë një udhëtimi të kohëve të fundit në Kinë, presidenti francez nuk arriti ta detyronte presidentin Xi Jinping të fliste me presidentin ukrainas Volodymyr Zelensky, i cili nuk ka folur që nga shpërthimi i luftës më shumë se një vit më parë.
Macron gjithashtu zemëroi aleatët vitin e kaluar kur tha se ata nuk duhet ta “poshtërojnë” Rusinë.
Është e paqartë nëse Macron do të marrë mbështetje për planin e tij nga Kievi dhe aleatët e tij, shumë prej të cilëve kanë refuzuar propozimet e armëpushimit që do të kishin lejuar Rusinë të mbante territoret e saj.
Shumë vende janë gjithashtu skeptike se Kina mund të veprojë si një ndërmjetës i paanshëm, duke pasur parasysh “miqësinë e saj të pakufizuar” me Rusinë. Të dy vendet kanë premtuar në mënyrë të përsëritur të forcojnë marrëdhëniet e tyre, duke përfshirë të hënën thirrjen për një bashkëpunim më të madh midis ushtrive të tyre.
