Një aksident fatal me pasojë vdekjen e 8 personave, 4 prej të cilëve gra, ka ndodhur këtë të diel në Turqi, ku një makinë ka përplasur një grup motoçiklistësh.

Aksidenti ka ndodhur në Provincën Kocaeli, ku një shofer ka humbur kontrollin e mjetit, i cili doli në anën tjetër të rrugës duke përplasur një grup me motoçikleta. Në aksident kanë mbetur të plagosur rëndë edhe 2 persona të tjerë.

Autoritetet kanë mbërritur në vendngjarje dhe po punojnë për zbardhjen e plotë të shkaqeve të aksidentit.