Nëna e Amy Winehouse mendon se këngëtarja mund të vuante nga sindroma “Tourette”.
Sindroma Tourette (ose siç njihet ndryshe me emrin e plotë, sindroma Gilles de la Tourette) është një çrregullim që shfaqet në adoleshencë.
I sëmuri përsërit veprime mekanike të pakontrolluara, flet me zë të lartë, qan dhe humb kontrollin e gjuhës.
Ylli i ndjerë në adoleshencë i ishte vënë sinonimi “Uragani Amy” për shkak të sjelljes së saj të ashpër dhe mënyrës së të folurit, por Janis Winehouse-Collin është e bindur se vajza e saj mund të ishte e prekur nga ky çrregullim nervor.
Siç shkruan “Noa”, nëna e Amy thotë se “Ajo mund të ketë qenë e prekur nga sindroma “Tourette”, pasi shpeshherë bërtiste me zë të lartë. Nuk e kemi shumë të qartë”.
Ajo e kujton vajzën e saj, e cila u nda nga jeta në korrik 2011, si një dhuratë nga Zoti dhe mendon se Amy ishte shumë inteligjente për t’u përshtatur me shoqërinë e saj kur ishte e vogël.
