Numri i rasteve të reja të COVID-19 në Maqedoninë e Veriut mbetet i lartë. Kështu gjatë 24 orëve të fundit janë kryer 1542 teste për COVID-19 dhe prej tyre 142 raste kanë dalë pozitivë.
Fatkeqësisht betejën me koronavirusin gjatë 24 orëve të fundit e kanë humbur 5 pacientë.
Viktimat janë një pacient nga Gostivari 69 vjeç, një nga Prilepi 84 vjeç, një nga Ohri 84 vjeç, një nga Makedonski Brod 46 vjeç dhe 1 nga Shtipi 58 vjeç.
Po ashtu në 24 orët e fundit janë shëruar edhe 98 qytetarë. Për momentin në Maqedoninë e Veriut janë 1919 persona aktiv me COVID-19.
