Udhëheqësja e ekstremit të djathtë në Francë, Marine Le Pen, është shpallur fajtore për përvetësimin e mbi 4.1 milionë eurove nga fondet e Bashkimit Evropian. Gjykata e ndaloi atë të mbajë poste publike për pesë vjet, duke e përjashtuar nga gara presidenciale e vitit 2027.
Le Pen dhe 24 zyrtarë të tjerë të partisë Tubimi Kombëtar u akuzuan për përdorimin e fondeve të BE-së për të paguar stafin e partisë midis viteve 2004 dhe 2016, në kundërshtim me rregullat e unionit. Gjyqtarja Benedicte de Perthuis e cilësoi atë si pjesë qendrore të skemës së shpërdorimit të parave.
Le Pen i ka mohuar akuzat dhe avokati i saj, Rodolfo Beauselou, e cilësoi vendimin si një “goditje për demokracinë”, duke paralajmëruar apelim të dënimit.
