Drejtori i Komanduar i ALUIZNI-t Elvis Pengili, ka dhënë sot dorëheqjen nga detyra, ndërsa PS ka emëruar në krye të agjencisë më të rëndësishme ish- drejtoreshën nga Tirana Doris Andoni.
Elvis Pengili u emërua në detyrën e drejtorit të ALUIZNI-t më datë 24 maj të këtij viti, pasi drejtori i mëparshëm Flamur Gjuzi kandidon për deputet në listat e LSI-së për qarkun e Durrësit. Para se të emerohej drejtor i komanduar i ALUIZNI-t Elvis Pengili, ka mbajtur detyrën e shefit të verifikimit të pronave, në qytetin bregdetar.
Drejtoresha e sapo emëruar Doris Andoni njihet si ish- drejtoresha e Entit Kombëtar të Banesave. Informacioni bëhet i ditur për “DurrësLajm” nga burime të sigurta brenda Aluiznit.
K.H.
