Dhjetë sportistë elitarë nga Ukraina mbërritën sot dhe u akomoduan në Elbasan.
Ekipi me atletë të rinj nga Ukraina, kryesisht nxënës dhe studentë, do të stërviten në pistën e stadiumit “Elbasan Arena” një nga më të mirat e këtij lloji në vendin tonë.
Presidenti i Komitetit Olimpik Shqiptar Fidel Ylli dhe kryebashkiaku i Elbasanit, Gledian Llatja i garantuan sportistët në emër të Kryeministrit Edi Rama se qeveria shqiptare do të bëjë gjithçka që ata të ndjehen sa më komodë në çdo aspekt.
Në vijim pritet që këtij grupi sportistësh t’i bashkohen edhe dhjetëra të tjerë.
Presidenti i Komitetit Olimpik tha se ka pasur kontakte me kampionin botëror Sergei Bubka i cili është drejtues i Federatës së Atletikës.
Ardhja e sportistëve është mundësuar përmes peripecish.
