Mbretëresha dhe Duka i Edinburgh kanë marrë vaksinën antiCovid. Sipas BBC, çifti mbretëror u vaksinuan këtë të shtunë nga një doktor në kështjellën Windsor. Ishte vetë Mbretëresha Elizabeth e cila vendosi ta bëjë publik lajmin e vaksinimin për të parandaluar çdolloj spekulimi.
Mbretëresha 94-vjeçare dhe Princi Philip, 99 vjeç, janë në mesin e gati 1.5 milion personave në Mbretërinë e Bashkuar që kanë marrë të paktën një dozë të vaksinës deri më tani.
Çifti mbretëror këtë periudhë izolimi e ka kaluar në Angli, në kështjellën Windsor, pasi vendosën të kishin Krishtlindje të qeta në rezidencën e tyre në Berkshire dhe një jo mbledhjen tradicionale të familjes mbretërore në Sandringham.
