Një grua nga Alabama me dy mitra po mban nga një vajzë në secilën prej tyre në atë që mjekët thonë se është një shtatzëni e pabesueshme. 32-vjeçarja Kelsey Hatcher, tashmë nënë e tre fëmijëve, ka lindur me një anomali të rrallë, të quajtur ‘didelphys uterus’, pra me dy mitra. Gruaja kur i tha burrit të saj lajmin, ai nuk mund ta besonte.
Siç raporton gazeta britanike The Guardian, vetëm një përqindje prej rreth 0.3% e grave shfaqin këtë anomali të veçantë, e cila formohet në një fazë të hershme të shtatzënisë, rreth tetë javë, në fetusin femër. Në rastin e Hatcher, është befasuese që të dy uteruset kanë ovuluar në të njëjtën kohë ose afërsisht.
Ndërkohë që gruaja po përgatitet të mirëpresë dy foshnjat e saj në botë, mjekët po përgatiten për lindjen e vështirë. Foshnjat mund të lindin disa orë ose ditë larg njëra-tjetrës pasi dy mitra mund të kontraktohen në mënyrë të pavarur. Mjekët e 32-vjeçares theksuan rreziqet e një seksioni cezarian te një grua me dy mitra, si për shembull se humbja e gjakut mund të ishte më e madhe pasi do të duheshin dy seksione. Hatcher pritet të lindë vajzat e saj në ditën e Krishtlindjeve dhe nuk është ende e qartë nëse foshnjat do të kualifikohen si binjake pasi ato nuk u zhvilluan në të njëjtën miter.
