Të qëndrosh i hidratuar është çelësi për shëndetin dhe mirëqënien tuaj. Uji jo vetëm që ju hidraton më së miri por ka edhe një sërë funksionesh në trupin tuaj, ato kryesoret janë: rregullon temperaturën, ndihmon në procesin e tretjes, mban lëkurën elastike dhe mbështet e funksionin njohës dhe atë kardiak.
Edhe pse uji mund të mos jetë shumë i shijshëm, konsumimi i pijeve alternative mund të jetë i dëmshëm për shëndetin, pasi ato përmbajnë sasi të larta të sheqerit të përpunuar.
Ujë i gazuar me shije
Uji me gaz, ndryshe nga ai i zakonshmi, ka një shije të veçantë dhe mund të jetë një opsion mjaft i mirë. Ka shumë varietete të uji të gazuar me shije të ndryshme, por sigurohuni që të ato të mos kenë sheqerna të shtuara. Gjithashtu ju mund të improvizoni edhe vetë duke i shtuar atij pak limon ose agrume të tjera.
Çaji i ftohtë
Çaji jo vetëm që ju ndihmon të qëndroni të hidratuar, por është gjithashtu i mbushur me antioksidantë. Ju mund të konsumoni çaj të nxehtë, por është më e lehtë të konsumosh sasi të mëdha të çajit të ftohtë sesa atij të nxehtë. Shmangni ëmbëlsuesit dhe nëse mundeni edhe konsumin e çajrave të ftohtë të cilët janë të gatshëm, pasi ato përmbajnë sasi të larta sheqeri.
Kafeja
Edhe pse për të qëndruar i hidratuar preferohet konsumi i ujit, ju mund të hidratoheni duke konsumuar çajra, lëngje por edhe kafe. Që kafeina të ketë një efekt diuretik, studimet tregojnë se duhet të konsumoni mbi pesë filxhanë kafeje.
Lëngu i perimeve
Lëngjet e perimeve (pa sheqerna të shtuara) janë një zgjedhje e shkëlqyeshme kur bëhet fjalë për t’u hidratuar. Ato mund të një zgjedhje më e shëndetshme sesa lëngjet e frutave, të cilat përmbajnë sheqerna natyrale. Gjithashtu konsumi i perimeve të dendura në ujë, si trangujt, specat, marulet dhe selinoja mund t’ju mbajnë të hidratuar./AgroWeb
