Mesazhe fyese qytetarëve në emër të Ilir Metës, Presidenca: Jemi në pritje të informacioneve nga kompania celulare para nisjes së procedurave ligjore

Zëdhënesi i Presidentit Meta, z. Tedi Blushi ka shkruan se Presidenti i Republikës Ilir Meta i është drejtuar me një kërkesë për informacion kompanisë telefonike përpara se të nisë procedurat ligjore në sistemin ndërkombëtarë. 

Sipas të dhënave të siguruara mesazhet e manipuluara janë dërguar nga qendra e mesazheve të kësaj kompanie.

Kujtojmë se para disa ditësh Presidenca denoncoi se disa persona dërgonin mesazhe kriminale në numrat e qytetarëve shqiptarë në emrin e Presidentit të Republikës Ilir Meta. 

Postimi i plotë:

Sot, Presidenti i Republikës Sh.T.Z Ilir Meta ju drejtua me një kërkesë për informacion kompanisë “One Telecommunications” lidhur me keqpërdorimin kriminal të mesazheve telefonike, gjoja sikur janë dërguar nga numri i Tij personal zyrtar, në adresë të disa qytetarëve.

Sipas të dhënave të siguruara, mesazhet e manipuluara, janë dërguar nga qendra e mesazheve të kësaj kompanie telefonike.

Për këtë arsye, Presidenti Meta është në pritje nga “One Telecommunications” të informacionit të nevojshëm, para nisjes së procedurave ligjore në sistemin ndërkombëtar.