Mesila Doda: Kënga që Sokoli më këndoi në ditëlindjen time

TIRANE, 22 nentor 2013 –Deputetja e Partisë Demokratike, Mesila Doda, njihet si një ndër miket e afërta prej vitesh me z.Sokol Olldashi.Pervec postimit

"S'te them dot lamtumire " dhe dy foto qe dukej qarte dhimbja qe ndjente, ajo  postoi në “Facebook” tekstin dhe videon e një kënge, që Sokoli ia këndoi në ditëlindjen e saj.

“Kjo ishte kënga që Sokoli këndoi në ditëlindjen time, dhimbja për ty miku im nuk paska fund”, – shkruan Doda.

KËNGA E KËNDUAR NGA SOKOL OLLDASHI NË DITËLINDJEN E MESILA DODËS 

Këtu s’do të jem, do jem larguar 
Në tokë i tretur si të tjerët 
Në kafenenë e preferuar 
Nuk do më shohin kamarierët. 

Dhe nëpër udhët ku kam ecur 
S’do ndihet kolla ime e thatë 
Mbi varrin tim do të rrijë i heshtur 
Një qiparis si murg i ngratë 

Po kur të jesh mërzitur shumë 
Në raft të librave kërkomë 
Atje do të jem i fshehur unë 
Në ndonjë varg a ndonjë shkronjë 

Mjafton që librin pak ta heqësh 
Dhe unë do zbres, do vij pas teje 
Ti si dikur me mall do qeshësh 
Si një blerim pas një rrëkeje.