Presidenti Meta është i pranishëm në Durrës mbrëmjen e sotme, ku po ndjek nga afër operacionin për nxjerrjen e trupave nga rrënojat e godinave të shembura. Kreu i shtetit po ndjek nga afër operacionin për nxjerrjen e të riut Klajdi Qato. Ai u shpreh ndër të tjera për mediat se ky është një moment dramatik që kërkon angazhimin e gjithësecilit
‘Sot jemi në momente mjaft dramatike për shkak të kësaj fatkeqësie natyrore. Është një fatkeqësi që kërkon angazhim të palodhur sepse ka njerëz nën rrënoja të cilët kërkojnë ndihmë, siç është rasti këtu, ku po bëhen përpjekje të jashtëzakonshme. Është një punë që nuk po bëhet vetëm këtu, por edhe në Kënetë, Thumanë dhe do të vazhdojë edhe në orët në vazhdim. Shpresojmë që së bashku do të arrijmë që të minimizojmë pasojat, që të rikuperojmë më pas këto dëme materiale. Kërkimet do të vazhdojnë, dhe është pozitive që nga Greqia po na ndihmojnë. Puna do të vijojë pa u ndalur”, theksoi Meta.
I riu është lokalizuar poshtë gërmadhave në nje hotel në Durrës.
