Presidenti Ilir Meta ka komentuar deklaratat mes Ramës dhe Haradinajt sa i përket heqjes së taksës ndaj mallrave serbe prej qeverisë së Kurtit.
Meta e cilëson si lojë të Ramës, pasi përdori Kurtin për të sulmuar Haradinajn, por Meta paralajmëron se bën mirë mos e provokojë më Haradinajn pasi është hero i gjallë, kurse Rama është turp i turpit për gjithë shqiptarët.
“Ndoqa edhe lojërat e tij që gjoja mbronte Albin Kurtin kundër Haradinajt. E ka kaluar me kohë vijën e kuqe, e ka tepruar shumë. Po e provokon më shumë seç duhet Haradinajn. Kush e përkrahu i pari taksën 100%? Gruaja e Bilalit. Po vrapoi tha po gjithandej. Pastaj kur i thanë që kishte një fotografi në kundërshtim me ligjin edhe disa probleme me tjetra nisi të merret me Haradinajn.
Mos e provokojë më Ramush Haradinajn. Ai mund të ketë 500 probleme, por Ramush Haradinajn për gjithë shqiptarët dhe në gjithë botën është hero i gjallë ndërsa gruaja e Bilalit për gjithë shqiptarët ëshë turpi i turpit.
Dhe të mos merret më me familjen dhe figurën e Ramush Haradinajt. Se Haradinaj në oborrin e shtëpisë së vet ka 40 varre. Dhe çdo ditë kur del në mëngjes i thotë mirëmëngjes vëllezërve dhe kushërinjve që dhanë jetën për Kosovën.
Rama mund ta marrë përgjigjen nga Shqipëria, s’mund të pranojmë lojëra të tilla përçarëse. Udhëheqësit e Kosovës kanë përgjegjësitë e tyre. Ne kemi për detyrë t’i mbështesim. S’kemi për detyrë t’i përçajmë për llogari të armiqve historikë të kombit tonë.
Sa të ketë Shqipëri dhe shqiptarë, Esat Pashë Tradhtari, njeriu më i pasur në Shqipëri, 100 vite më parë që merrte pagesa të përmuajshme nga armiqtë e Shqipërisë nuk e ka një varr këtu, edhe nuk do ta ketë sa të ketë Shqipëri”, tha Meta.
