Kreu i Partisë së Lirisë, Ilir Meta, në një reagim të bërë në rrjetin social Facebook, shprehet se amendamentet e PL për Projektbuxhetin 2023 synojnë mbështetjen e studentëve për përballimin e kostove të rritura të jetesës.
Meta thotë se mbështetja ndaj studentëve, duhet të jetë së paku sa ajo që u jepet bashkëmoshatarëve të tyre në Kosovë, 100 euro në muaj.
“Amendamentet e Partisë së Lirisë për Projektbuxhetin 2023 synojnë mbështetjen e studentëve për përballimin e kostove të rritura të jetesës. Kjo mbështetje duhet të jetë të paktën sa mbështetja që u është dhënë bashkëmoshatarëve të tyre në Kosovë”, thotë Meta.
