MOSKË- Mihail Kalashnikov, 93 vjeç, shpikësi i automatikut të famshëm që mori emrin e tij, u shtrua në spital për debolesë të theksuar fizike, njoftoi agjencia ruse e lajmeve, Interfax që citonte burime të spitalit.
''Megjithatë, ai duket plot energji dhe sytë i shkëlqejnë'', deklaroi drejtori i spitalit, Sergei Riashçikov duke shtuar se pas ekzaminimeve të hollësishme, ai u largua nga spitali.
Mihail Kalashnikov filloi ideimin e automatikut AK-47, pasi ishte shtruar në spital pas plagosjes në front gjatë Luftës së Dytë Botërore. Ky automatik është shitur në miliona kopje në të gjithë botën.
