Imzot Arjan Dodaj kryeipeshkv i metropolit të Tiranë-Durrësit, e ka konsideruar të Papa Franceskun si Papa i Revolucionit të Butësisë dhe Dashurisë së Zotit.
Në një reagim për ndarjen nga jeta të kreut të Vatikanit, Imzot Dodaj shprehet se Papa ishte i dashuruar me popullin shqiptar, ndërsa është lutur që shpirti i tij të vijojë të bekojë kombin tonë.
“Faleminderit i dashur Papa Françesku! Papa i Revolucionit të Butësisë dhe Dashurisë së Zotit! Papa i dashuruar me popullin tonë shqiptar! Papa jonë nga qielli na beko e vazhdo të na shoqërosh me dashurinë tënde!”, shkruan Dodaj.
