Alvaro Morata është një lojtar i ri i Milanit. Pasi fitoi Kampionatin Evropian, sulmuesi spanjoll kishte kryer vizita mjekësore te kuqezinjtë dhe sot njoftimi mbërriti edhe nga Milan.
“AC Milan ka kënaqësinë të njoftojë se ka fituar përfundimisht paraqitjet sportive të futbollistit Álvaro Borja Morata Martín nga Club Atlético de Madrid. Kapiteni i kombëtares spanjolle, me të cilën sapo është diplomuar si kampion evropian, ka nënshkruar kontratë me klubin kuqezi deri më 30 qershor 2028 me opsion edhe për një vit tjetër”.
Pas largimit të Olivier Giroud, Milani ishte në kërkim të një sulmuesi dhe javët e fundit emri i Moratas është ngjitur në krye të listës së drejtuesve të kuqezinjve.
Dëshira e lojtarit për t’u larguar nga Atletico Madrid ishte vendimtare, pavarësisht deklaratave të dashurisë së fundit dhe kostove të ulëta të operacionit.
Milani pagoi klauzolën e lirimit prej 13 milionë euro për të liruar sulmuesin spanjoll.
Ish-sulmuesi i Juve dhe Atletico do të veshë fanellën me numrin 7: gatishmëria e Yacine Adli (që do të veshë 94-shin) për t’ia lënë numrin sulmuesit të ri kuqezinjve është vendimtare.
Numri 9 mbetet ende i pazbuluar: po vjen një tjetër sulmues?
