Milan barazoi 1-1 përballë Cagliarit mbrëmjen e djeshme, në sfidën e vlefshme për javën e 18-të të Serie A. Megjithatë, ajo ç’ka tërhoqi vëmendje te shqiptarët nuk ishte rezultati. Në prag të sfidës, klubi italian publikoi në rrjetin social “TikTok” një video të Mike Maignan. Portieri i “Djallit” kishte dalë në nxehmjen prag-sfide, teksa kjo video shoqërohej me këngën e titulluar “Fatos Nano”, të krijuar nga reperi Noizy. Një veprim i papritur ky nga klubi italian, ndërsa postimi u bë menjëherë viral edhe në Shqipëri. Shumë shqiptarë në komente shpreheshin të habitur se si Milan e krahason portierin e tyre me ish-kryeministrin e Shqipërisë.