Presidenti pro-rus i Republikës Sërpska, Millorad Dodik, ka njoftuar të hënën se ka mbërritur në Moskë për një vizitë, duke theksuar se çdo herë që udhëton në kryeqytetin rus, ai nis qëndrimin e tij me një vizitë në Monumentin e Heroit të Panjohur, për të nderuar 28 milionë rusët që humbën jetën gjatë Luftës së Dytë Botërore.
Dodik nuk ka dhënë hollësi mbi qëllimin e vizitës, por ka bërë të ditur se do të kthehet sërish më 9 maj, për të shënuar Ditën e Fitores kundër fashizmit, një ngjarje që kujton fitoren e Bashkimit Sovjetik ndaj Gjermanisë Naziste.
