Policia e Shtetit ka njoftuar detaje të reja në lidhje me aksidentin e ndodhur mëngjesin e sotëm në tregun e Milotit, në Laç. "Rreth orës 10:30, njoftohemi se në Fushë Milot, një drejtues mjeti invalid dhe pa leje drejtimi, i identifikuar si Pashk Vokri, duke drejtuar mjetin tip Mercedes Benz, me targa AA 120 NI, ka humbur kontrollin dhe për pasoje makina është futur në tregun e Milotit. Si pasojë, një shtetas rreth 60 vjeç ka humbur jetën dhe pesë persona janë plagosur, të cilët janë nisur në spitalin e Laçit dhe në Tiranë. Drejtuesi i mjetit, i cili ka shkaktuar aksidentin, është ndaluar nga forcat policore. Grupi hetimor në vendngjarje," – thuhet në një informacion paraprak të Policisë së Shtetit të Lezhës.