Paralajmërime për sulme terroriste në aeroportin e Kabulit u bënë publike ditën e sotme, ndërsa tanimë, ato po marrin një formë më të prerë.
Ministri i Forcave të Armatosura të Mbretërisë së Bashkuar thotë se mund të ketë një sulm terrorist “të afërt, shumë vdekjeprurës” në aeroportin e Kabulit brenda disa orësh.
Zyra e shtypit të Ministrisë së Jashtme Britanike njoftoi mbrëmë se kushdo që ndodhet pranë aeroportit të “largohet në një vend të sigurt dhe të presë njoftime të mëtejshme”.
James Heappey më herët i tha BBC -së: “Tani ka një raportim shumë të besueshëm të një sulmi të afërt.”
I pyetur nga Sky News nëse një sulm mund të ndodhë në orët e ardhshme, Heappey u përgjigj: “Po”.
Duke theksuar natyrën “e rëndë” të kërcënimit, ai i tha BBC se ishte krijuar një “situatë jashtëzakonisht sfiduese, si në terren ashtu edhe në vendimet që duheshin marrë”.
