Vizitat në sitet kulturore të Shqipërisë janë më të lehta se kurrë! Ministri i Ekonomisë, Kulturës dhe Inovacionit, Blendi Gonxhja, ka ndarë lajmin se nga sot biletat për muzetë, kalatë dhe parqet arkeologjike mund të blihen online përmes platformës e-Albania.
Ky shërbim i ri elektronik, sipas ministrit synon të lehtësojë përvojën e vizitorëve vendas dhe të huaj, duke ofruar një mënyrë të shpejtë, moderne dhe të sigurt për blerjen e biletave për sitet kulturore të vendit.
Postimi i ministrit
Tani, vizitat në sitet kulturore të Shqipërisë janë më të lehta se kurrë, me biletat elektronike!
Nga sot, mund të blini online biletat për muzetë, kalatë dhe parqet arkeologjike, drejt nga e-Albania.
Nëpërmjet këtij shërbimi ju mund të vizitoni:
-Muzeun Kombëtar “Gjergj Kastrioti Skënderbeu”, Krujë
-Muzeun Kombëtar Etnografik, Krujë
-Muzeun Kombëtar Ikonografik “Onufri”, Berat
-Muzeun Kombëtar të Fotografisë “Marubi”, Shkodër
-Kalaja e Shkodrës
-Kalaja e Gjirokastrës
-Parku Kombëtar Arkeologjik Apolloni, Fier
Vetëm në pak hapa:
-Zgjidhni “Biletaria online për sitet kulturore” në e-Albania
-Caktoni sitin që dëshironi të vizitoni
-Përzgjidhni llojin e biletës
-Kryeni pagesën online
Bileta vjen menjëherë në e-mail dhe është e vlefshme për 1 muaj.
