Ministri i Mbrojtjes i Arabisë Saudite, Princi Khalid bin Salman, ka dërguar një mesazh të qartë në një konferencë të mbyllur në Uashington: dështimi i Shteteve të Bashkuara për të ndërmarrë veprime ushtarake ndaj Iranit pas javësh kërcënimesh mund të forcojë regjimin e Teheranit.
Sipas burimeve të Axios, princi, i cili është vëllai dhe bashkëpunëtori më i ngushtë i Princit të Kurorës Mohammed bin Salman, u shpreh se një vonesë apo hezitim i Uashingtonit do t’i jepte më shumë guxim udhëheqësve iranianë. Ky qëndrim shënon një ndryshim të dukshëm krahasuar me retorikën e kujdesshme publike të Riadi, e cila ka përqendruar në parandalimin e përshkallëzimit dhe nxitjen e diplomacisë.
Gjatë vizitës së tij në SHBA, Princi Khalid zhvilloi takime me Sekretarin e Shtetit Marco Rubio, Sekretarin e Mbrojtjes Pete Hegseth, të dërguarin special Steve Witkoff dhe kryetarin e Shtabit të Përbashkët Dan Kaine, ku u diskutua mundësia e një sulmi të SHBA-së ndaj Iranit.
Ndërkohë, Arabia Saudite vazhdon të mbajë një qëndrim zyrtar të përmbajtur, duke theksuar respektin për sovranitetin iranian dhe mbështetjen për një zgjidhje diplomatike. Vetëm në takime të mbyllura, princi u shpreh se një vonesë e veprimeve ushtarake do të kishte si rezultat vetëm “trimërimin” e regjimit të Teheranit. Analistët e rajonit paralajmërojnë se kjo tregon tensionin mes diplomacisë publike dhe presionit privat, ndërsa SHBA dhe aleatët e Gjirit vazhdojnë përforcimet ushtarake në Lindjen e Mesme.
