Këshilli i Lartë i Drejtësisë është mbledhur për të shqyrtuar kërkesën e Ministrisë së Drejtësisë për shkarkimin e katër gjyqtarëve: Ahmet Jangulli, Ergys Selmani, Ken Dhima dhe Petraq Curri.
Gjyqtari i Durrësit, Petraq Curri, ka shkelur ligjin sipas Ministrisë së Drejtësisë duke liruar Alket Hatinë, i njohur si "Zoti" i drogës.
Shkarkimi i gjyqtarit të Fierit Ergys Selmani kërkohet me arsyetimin se vonoi zbardhjen e urdhrit të mbrojtjes të shtetases Liljana Rukaj që u vra më pas nga bashkëshorti i saj Ferdinand Rukaj.
Shkelje në kryerjen e detyrës janë konstatuar nga ministri e drejtësisë edhe për gjyqtarin e gjykatës administrative Shkodër, Ahmet Jangulli dhe gjyqtarin e gjykatës administrative të Vlorës, Ken Dhima.
