Ministrja e Arsimit, Besa Shahini në një komunikim live ka thënë se studentët do të rikthehen në universitete por do të ketë një ndarje mes të diplomuarve dhe atyre të vitit të fundit dhe atyre të vitit të parë e të ndërmjetëm.

Shahini thotë se ata që janë për t’u diplomuar do të kthehen në auditore për 3-4 javë në qershor, kurse provimet dhe riprovimet i zhvilojnë në korrik dhe javën e parë të gushtit.

Më pas nga 25 gushti deri në fund të shtatorit kthehen në auditore ata që nuk janë për t’u diplomuar, ndërsa provimet dhe riprovimet i zhvillojnë në tetor.

Vitet e para ose të ndërmjetme nuk do të kthehen në auditore përpara 25 gushtit. Për këta do të vazhdojë mësimi online. Provimet këta studentë mund t’i zhvillojnë në tetor. Prandaj të gjithë studentët që jetojnë me qira të planifikojnë vitin akademik dhe tjetrin sipas ministres. Ministrja tha se viti akademik do të zgjatet me dy javë dhe pritet që i riu të nisë në nëntor të 2020-s.

“Universitetet kanë autonomi dhe riorganizimi i punës ishte detyra e universiteteve. Të gjitha universitetet i janë përgjigjur thirrjes por jo të gjitha në të njëjtën mënyrë sfidës. Duke parë infrastrukturën dhe përgatitshmërinë e pedagogëve dhe studentëve.

Dhe për lëndët që kanë kaluar online, po kuptoj që nuk është mbajtur i njëjti standard i punës.

Vërehet një kohë për të kaluar në auditore para provimeve. Për ata që duan të bëjnë përgatitje apo ripërsëritje.

Zv.ministri Rrumbullaku ka mbajtur komunikime me gjithë rektorët. Rektorët kanë sjellë edhe propozimet për mbylljen e vitit akademik. Mbështetje për studentët që nuk kanë pasur mundësi për mësimin online por dhe siguron shëndetin.

1- Prioritet puna me studentët që diplomohen në të gjitha. Të mundësohet kthimi në auditore për 3-4 javë në qershor 2020. Provimet dhe riprovimet zhvillohen në korrik dhe javën e parë të gushtit.

2- Të gjitha ciklet që kthehen më 25 gusht deri në fund të shtatorit. Për përsëritje apo punë laboratorike.

3- Vijon mësimi online. Provimet dhe riprovimet zhvillohen në tetor të 2020.

4- Të minimizohet numri i studentëve dhe të sigurohet distancimi fizik“, tha Shahini.

Për sa i përket universiteteve private, ministrja tha se ato kanë më pak studentë dhe mund të kenë më shumë fleksibilitet për zbatimin e urdhrit. Megjithatë edhe këto universitete duhet që të ndjekin rregullat.

Dy ditë më parë Ministria e Arsimit vendosi hapjen e shkollave për një periudhë tre javore vetëm për maturantët, mbajtjen e provimeve të maturës shtetërore në qershor dhe mbylljen e këtij viti shkollor po në qershor. Nxënësit nga klasa e parë në të 11-n do të zhvillojnë mësim online deri në fund të majit.