Paraditja e të shtunës dhe të dielës në Durrës rezervojnë një surprizë të bukur për vogëlushët.
Miqtë e tyre klasikë, maçoku Tom dhe miushi Xherri, do të jenë në qytetin bregdetar, me shfaqjen e Teatrit të Kukullave “𝗧𝗢𝗠 & 𝗝𝗘𝗥𝗥𝗬”.
Dy protagonistët e shfaqjes që synon të jetë edukative, argëtuese dhe interaktive do të jenë aktorët Alex Kondi dhe Jaho Guma.
![](https://durreslajm.al/app/uploads/2024/03/9963af66-dfa2-4edc-afac-900d7f402bd5-724x1024.jpg)
Në shfaqjen për fëmijë ndërthuren midis tyre “miqtë” klasikë të prezantuar si personazhe vizatimorë, por duke trajtuar problemet e sotme te fëmijët, si bullizmin, marrëdhënien me teknologjinë apo problematika të tjera shqetësuese të cilat kanë krijuar varësi te fëmijët.
Të gjithë vogëlushët dhe prindërit e tyre mund t’i ndjekin shfaqjet në oraret 10:30 dhe 11:30, pranë teatrit “Aleksandër Moisiu”.