Belgjika luajti dje përballë Uellsit, ndërsa ndeshja ishte e vlefshme për kualifikueset e Botërorit 2026. Belgët ia dolën të korrnin fitore në shtëpi me rezultatin 4-2, për këtë tashmë mbajnë vendin e parë në renditje. Një episod gazmor u regjistrua në pjesën e dytë, kur u ndërpre edhe ndeshja për pak çaste. Ishte minuta e 66-të, kur një mi po shëtiste në fushën e blertë. Tibo Kortua u mundua ta kapte, por pa sukses. Më pas sulmuesi i Uellsit, Xhonson, ia doli ta largonte nga fusha.