Paniku shpërtheu herët të hënën në mëngjes pasi një gropë u hap në një kanal në Britani, duke tërhequr varkat në fund dhe duke vënë në rrezik pasagjerët.

Incidenti në Shropshire të Anglisë detyroi më shumë se 10 persona të evakuonin varkat e tyre në kushte të rrezikshme. Megjithatë, nuk pati të lënduar. Një dëshmitar okular që jeton në një varkë rreth 20 metra larg gropës tha se u zgjua nga zhurma të forta. Në videon që ai bëri, shihet një varkë duke u përmbysur dhe duke u gëlltitur nga uji.