Aktorja e njohur Reese Witherspoon ka realizuar një video në TikTok ku shihet duke përgatitur një pije me borë. Kjo gjë i ka habitur ndjekësit e saj të cilët e kanë kritikuar. Në video, dy gota u përdorën për të hequr borën nga një makinë. Witherspoon më pas përshkruan përzierjen e borës me karamel dhe shurup çokollate: Si dhe disa pije të ftohta, vetëm për të pasur një aromë të shijshme kafeje.
Witherspoon e shpërndau recetën e saj me ndjekësit dhe shkruan: Ditët e borës u krijuan për Chococinnos.
Por jo të gjithë e pritën mirë këtë recetë. Shumë nga ndjekësit e saj e kundërshtuan.
“Jo jo jo.. bora nuk është bërë për të ngrënë. Mund të sëmuresh rëndë”
“A mund ta vendosni borën në një filxhan të pastër dhe ta lini të shkrihet? Unë thjesht dua të shoh nëse është e sigurt për t’u ngrënë fillimisht”, ishin disa nga komentet.
Në një video pasuese Witherspoon bëri pikërisht atë që i kërkoi ndjekësi. Ajo mblodhi pak borë nga oborri i saj, e shkriu në mikrovalë dhe uji ishte i pastër.
“A është kjo e keqe?” pyeti ajo duke qeshur. “A nuk duhet të ha borë?”
Aktorja dhe producentja e “Morning Show” nuk u ndal me kaq. Në një video tjetër të postuar ajo u shpreh: Këtu bie borë ndoshta një herë në vit. Dua të them diçka: Ishte e shijshme. Ishte shumë mirë.
@reesewitherspoon Snow days were made for Chococinnos ❄️☕️
♬ Let's go – Official Sound Studio
