Gjykata e Tiranës ka lënë në arrest me burg, Gleard Gusholli, 31-vjeçarin i cili akuzohet se mbajti peng e dhunoi barbarisht të dashurën e tij 28-vjeçare.
Ndërkohë që për personat e tjerë që kanë ndihmuar Gushollin, është kërkuar detyrim paraqitje.
Ai u arrestua dy ditë më parë pasi kishte torturuar për një javë bashkëjetuesen e tij.
Kjo e fundit deklaroi dje për mediat se kishte tentuar disa herë vetëvrasjen por ai nuk e kishte lejuar duke dashur që të vuante nga goditjet me shqelma, grushte dhe me këmbën e karriges.
E reja tha se ish partneri i saj pretendonte se ajo bashkë me prindërit e saj kishin bërë denoncim ndaj tij në shtetin gjerman duke u bërë shkak që ai të dëbohej.
