Moti i paqëndrueshëm do të shoqërojë edhe javën e ardhshme. Herë pas here gjatë javës që vjen do të ketë edhe reshje shiu dhe rrufe.
Sipas Shërbimit Meteorologjik Ushtarak, mund të ketë përmirësime të motit vetëm të premten e javës së ardhshme.
“Në javën e ardhshme do të vijojë qarkullimi në Mesdhe i masave ajrore të paqendrueshme.
Përgjatë maleve, reshjet në formë shtrëngatash do të jenë të pranishme gjatë mesditës e pasdites së të hënës. E marta do të nisë me reshje shiu, shtrëngata e rrufe në bregdet, ndërsa gjatë ditës dotë rikthehen në juglindje e lindje. E njëjta situatë, do të rikthehet dhe ditën e mërkurë, por do të përfshihen më së shumti bregdeti, veriu e verilindja. Të enjten, reshjet me shtrëngata e rrufe do të përfshijnë qendrën e juglindjen e vendit. E premtja premton për më tepër përmirësim, por vranësirat hera herës marrin zhvillim”, thotë Shërbimi Meteorologjik Ushtarak.
Referuar situatave të ngjashme të muajve qershor në vitet e shkuara, moti i kthjellët dhe më rritje të temperaturave pasohet në mënyrë të shpejtë nga shiu, rrebeshi, shtrëngata dhe breshëri në forma lokale dhe në kohë të shkurtër.
Temperaturat do të pësojnë luhatjet si më poshtë. Era do të fryjë nga jugperëndimi e veriperëndimi e lehtë e mesatare në bregdet, pasuar nga valëzimi 3 deri 4 ballë.
