Rrebeshe afatshkurtra shiu priten mbi vendin tonë në orët në vijim dhe gjatë ditës së hënë.
Meteoalb bën të ditur se do të ketë një rënie temperaturash, duke shënuar jo më shumë se 32°C në Ultësirën Perëndimore
MOTI NE VIJIM: sot mbetet me kthjellime të shkurtra dhe vranësira të shpeshta të cilat sjellin rrebeshe afatshkurtra shiu në pjesën më të madhe të vendit (zona me të kuqe në hartën e mëposhtme). Edhe e hëna mbetet në kushte të ngjashme atmosferike por me shira më të pakët dhe të lokalizuar në zonat Qendrore – Juglindore.
Temperaturat e mëngjesit kanë pësuar një rënie graduale gjatë ditëve të fundit ndërsa vlerat maksimale sot janë ulur ndjeshëm duke shënuar deri 27°C në zonat malore dhe rreth 32°C maksimumi në Ultësirën Perëndimore; rënia vijon e lehtë edhe të hënën.
