Për shkak të detit të trazuar dhe përkeqësimit të kushteve meteorologjike, është pezulluar lundrimi i trageteve nga Durrësi drejt Barit dhe anasjellas mbrëmjen e së shtunës.
Dy tragetet e linjës do të nisen në orën 06.00 të mëngjesit të së dielës. I njëjti vendim është marrë dhe nga autoritetet e portit të Barit. Mbrëmjen e sotme tragetet nuk do të nisen drejt Durrësit, duke çuar në pezullim të lundrimeve në të dyja brigjet e Adriatikut për shkak të detit të dallgëzuar me forcë 8-10 ballë.
Ndërsa trageti i linjës Ankona-Durrës operon normalisht dhe pritet të mbërrijë në Durres nesër rreth orës 10:00.
Ndërkohë prej ditës së djeshme deri ditën e hënë (9 – 12 shkurt), është ndaluar dhënia e lejes për të gjitha mjetet e vogla lundruese dhe mjetet e peshkimit që operojnë përgjatë bregdetit shqiptar.
Sipas parashikimeve, pritet që kushtet atmosferike të përmirësohen të hënën pasdite.
Njoftimi:
Si rezultat i perkeqesimit te kushteve meteorologjike DPD njofton se:
Tragetet e linjes Durres-Bari-Durres dhe anasjelltas do te nisen nga portet respektive neser date 11.02.2024 ora 06:00.
Trageti Ankona-Durres operon normalisht dhe pritet te mberrije ne Durres neser rreth ores 10:00
Trageti i linjes Vlore-Brindisi-Vlore do te niset nga porti Vlore neser date 11.02.2024 ora 14:00.
Tragetet e linjes Sarande-Korfuz-Sarande do te operojne normalisht.
Agjensite respektive te marrin masa per njoftimin e pasagjereve.
