Departamenti i Garave në FSHF bën me dije se ndeshja Skënderbeu-Dinamo e kampionatit “Abissnet Superiore” dhe ndeshja Kastrioti-Bylis e Kategorisë së Parë, të programuara për t’u luajtur sot, do të shtyhen për shkak të kushteve të rënduara atmosferike.
Në ditët në vazhdim Departamenti i Garave në FSHF do të përcaktojë datat se kur do të luhen këto ndeshje.
Shqipëria është përfshirë sot nga një mot i keq me reshje shiu dhe dëbore. Mësohet se stadiumi i Korçës është mbuluar nga dëbora, ndërsa ai i Krujës është përmbytur nga shiu.
