Aktorja dhe modelja 24-vjeçare, Rina Lipa, motra e këngëtares së famshme Dua Lipa, do të bëjë debutimin e saj në ekranin e madh me filmin kriminal britanik A Gangster’s Life. Rina do të interpretojë Scarlett, një anëtare e pamëshirshme e një bande mafiozësh, në një histori të mbushur me vrasje, tradhti dhe intrigë.
Në krah të saj do të jenë Jonny Weldon (One Day), Tony Cook (Dune: Part Two), si dhe aktorë të tjerë si Tomi May, Christina Gkioka, Bradley Turner dhe Sasha Latoya. Filmi, i cili do të bëjë homazhe klasikëve të gangsterëve si Lock, Stock and Two Smoking Barrels dhe The Gentlemen të Guy Ritchie, do të premierë digjitale në Mbretërinë e Bashkuar më 19 janar, përmes Miracle Media.
Rina Lipa ndjek hapat e motrës së saj në ekranin e madh, ndërsa familja Lipa ka një histori të njohur filmike. Dua Lipa ka luajtur më parë në Barbie të Greta Gerwig dhe Argylle të Matthew Vaughn, ku ka bashkëpunuar me yje si Henry Cavill dhe Sam Rockwell.
Filmi ndjek Ant (Cook) dhe Dick (Weldon), dy mashtrues të nivelit të ulët që futen në botën e errët kriminale të mafiozit Emery (May). Scarlett, personazhi i Rina-s, luan një rol kyç në aktivitetet e tyre kriminale, duke e shtuar tensionin dhe dramatizmin e historisë.
