Shqipëria do të vëzhgojë zgjedhjet e parakohshme parlamentare të kësaj të diele në Austri. Kreu i Komisionit të Reformës Zgjedhore Damian Gjiknuri, deputeti i opozitës Myslim Murrizi dhe katër anëtarët e KQZ-së ndodhen prej të shtunës në Vjenë ku do të qëndrojnë edhe sot.
Në një postim në Facebook, Murrizi nuk ka lënë pa ironizuar prezencën e tij në Vjenë me Gjiknurin.
“Meqenese Basha u pajtua me PS sepse Rama iku (ne Amerike)dhe solli Ivin ne komisionin e reformes zgjedhore, edhe une thashe qe nuk ka me kuptim te rri “ zemruar” as me Damianin e as me “ ambasadorin” e Bashes ne komision”, shkruan ai.
Teksa ka treguar modelin e fletës së votimit me të cilën do të votojnë këtë të diel austriakët, Murrizi thotë se edhe Damiani e kuptoi që listat e hapura me votë preferenciale janë shumë e shumë herë më të mira se listat me “pagesë” të kryetarëve.
